Plantun de Prouvènço

Pèr coumpara dos planto d'encò nostre

Potentilla nivalis & Carex curvula subsp. rosae

Potentilla nivalis

Rosaceae

Nom en français : Potentille des neiges.

Descripcioun :
Aquéu fragoun, emé si fueio argentado, douno d'èr à-n-uno pato-de-lioun (Alchemilla). Pamens fau bèn regarda la flour que ié sèmblo pas. Trachis en auto mountagno dins li fendasclo de roucas e li pelouso roucaiouso ounte ié flouris l'estiéu. Au nostre s'atrobo soulamen la subsp. nivalis. Lou fragoun-de-nèu èi bourrihu au contro dóu fragoun-de-Valdieri qu'èi sedous (péu contro la fueio) que vèn soulamen dins lis Aup marino. Coumpara emé lou fragoun-de-Valdieri. La planto èi marcado sus listo roujo categourìo LC, valènt à dire soucit minour.

Usanço :
Counneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 8 à 25 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Potentilla
Famiho : Rosaceae

Ordre : Rosales

Coulour de la flour : Jauno
Petalo : 4
Ø (o loungour) flour : 4 à 5 mm
Flourido : Estiéu

Sòu : Si
Autour basso e auto : 1500 à 2700 m
Aparado : Noun
Juliet à avoust

Liò : Pelouso roucaiouso - Roucas
Estànci : Subaupen à Aupen
Couroulougi : Ouroufito-Sud-Ouèst-Éuroupenco
Ref. sc. : Potentilla nivalis Lapeyr., 1782

Queirello(-enarcado)

Carex curvula subsp. rosae

Cyperaceae

Àutri noum : Queirello(-dóu-mount-Rose), Moutouso, Sagneto.

Nom en français : Laîche du mont Rose.

Descripcioun :
La queirello-enarcado trachis en mato dins li pelouso di cresten venta d'auto mountagno. Se recounèis subretout à si fueio primo (1 mm), plegado, enarcado e dessecado au bout. L'enflourejado èi courteto, de 1 à 2,5 cm, caupant 3 à 6 espigo sarrado dis escaume bruno, pounchudo e membranouso sus li bord (fotò). La subsp. presentado eici, Rosae vèn sus cauquié ; se recounèis peréu à si fueio mens sarrado e mens enarcado que sa cousino, Carex curvula subsp. curvula que se vèi sus siliço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 40 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1 à 2,5 cm
Flourido : Estiéu

Sòu : Ca
Autour basso e auto : 2000 à 2800 m
Aparado : Noun
JUliet à avoust

Liò : Pelouso - Cresten
Estànci : Subaupen à Aupen
Couroulougi : Ouroufito-Sud-Ouèst-Éuroupenco
Ref. sc. : Carex curvula subsp. rosae (L.) Gilomen, 1937

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Potentilla nivalis & Carex curvula subsp. rosae

ges

Coumpara Fragoun(-de-nèu) emé uno autro planto

Coumpara Queirello(-enarcado) emé uno autro planto